VOV4.M’nông: Thủ tướng New Zealand Jacinda Ardern tâm lơ 23/8 hŏ ntrŭnh nau ân nsrŭng ăp nau rƀŭn rgum bah Quốc hội du pơh tâm rnôk srê Covid-19 dôl geh nau ntưp rêng tâm neh dak aơ. Quốc hội New Zealand mra nsrŭng nau rƀŭn dŏng tâm du pơh gay n’huch nau ntưp rêng bah srê Covid-19. Tâm rnôk Quốc hội nsrŭng kan, ăp uỷ ban ƀư nau kan mra geh ndâk ndrel ƀư ăp nau rƀŭn trực tuyến gay ma uănh nau ƀư kan bah Chính phủ. Tĭng nau nchrăp, Quốc hội New Zealand rƀŭn nchră gay plŏ tay ntơm lơ 24/8, yơn nau tâm mâp bah ăp ntoh măt tă bah âk ntŭk tâm lam dak ân lah mra dơi ƀư âk lơn tay nau ntưp rêng bah srê. Kŏ tâm lơ 23/8, Chính phủ New Zeanlad mra ntrŭnh nau ân nchueng rdâng tâm lam dak lôch lơ 27/8, tâm nê êng nkuăl ƀon têh Aucland, rnôk aơ lah ntŭk geh âk ngăn srê nuh, mra geh nkân njrăng tât lôch khay aơ./.

Nŭih rblang: H’Thi