VOV4.Mnông-Quốc hội Nhật Bản tâm nar 10/11 rgum du rơh rƀŭn nchră na nê̆ tĭng nĕ, kruanh Đảng dân chủ tự do wa Kishida Fumio geh săch ƀư tay Thủ tướng lôch rnôk đảng păng geh nău dơi âk ta rơh săch Hạ viện ta nar 31/10 mhe nơh. Tĭng nău way, lôch geh săch ăp nău kan kơt kruanh Hạ viện, groi kruanh Hạ viện, wa Kishida Fumio geh săch ƀư tay Thủ tướng n’hanh mbơh chính phủ mhe. Ta năp rơh rƀŭn nchră, ăp nuĭh kan ta chính phủ bâh păng lĕ rlu kan lĕ rngôch tĭng nău đă bâh Hiến pháp Nhật Bản. Mpeh nău tơm păng mbra geh mât tay lĕ rngôch ăp nuĭh kan ndrel bâh chính phủ aƀaơ lĕ mbơh ta khay ba năp. Tĭng nău geh uănh ôp mhe ngăn bâh Đài NHK rĭ chính phủ aƀaơ geh rnoh kơl an lah 53% hao 5% đah nău ôp uănh ta du pơh ba năp rơh săch Hạ viện.

Nuĭh rblang: Thị Đoắt