VOV4.M'nông: Ta nâm nău ƀư tơm bah Kruanh Quốc hội Vương Đình Huệ, ôi 10/11, rơh ôp n'hanh ơh nău ôp lor bôk năp đah rmôt nkô̆ nău dak si hŏ tă geh. Lah ta rơh ntơm nău ôp, Kruanh Quốc hội Vương Đình Huệ lah rjăp: nău ôp mô dơn êng lah du trong kan groi nđôi, n'hao nău dơn kan mbơh rblang, lơn lah bah nuĭh mât bôk kan. Aơ hôm lah du rnôk gay tâm ntop kơl an nău kan groi nđôi, tĭng ƀư nău dơi kan njêng pháp luật đŏng n'hanh n'glêh an ăp nkô̆ nău khlay neh dak. Ôp Bộ trưởng Bộ Y tế Nguyễn Thanh Long, âk đại biểu ôp mpeh nău đăp mpăn tŏng ăp tơm pă an n'hanh mât uănh xét nghiệm Covid-19, dak si săm ji, ndơ năp dŏng kan dak si, dak si uănh năl. Nkô̆ nău "rlơ̆ rlơt uănh năl Covid-19" ƀư "duh hô" ta ntŭk tâm nchră Quốc hội đŏng. Bộ trưởng Bộ Y tế Nguyễn Thanh Long an lah: rnoh khlay ndơ dŏng, dak si nsing tâm tơm luh bah ndơ geh ƀư, nar khay rvăt. Nkre năl saơ nău dơn kan bah n'gâng kan n'hanh ton ôp uănh lĕ n'hâm suan, groi nđôi đah nău uănh năl tâm let năp tay. Âk đại biểu dăn đă ƀư kloh nău ôp uănh, groi nđôi bah Bộ Y tế an geh ăp nău tih tâm bah ri aơ nơh. Kruanh Quốc hội Vương Đình Huệ đă: năm 2022 rgum ôp uănh, kơp nđăp jru nău rgum, mât dŏng tơm ndơ an pah kan njrăng n'gang nuh srê, nking nchăng nău tât khuch, joi geh wăng sa êng tĭng rmôt./.

        Nuĭh rblang: Điểu Thân