VOV4.M'nông: Kêng măng (16/8), ta Jay Quốc hội, Kruanh Quốc hội Vương Đình Huệ ƀư tơm rơh hop mpeh pah kan nchrăp bah Mpôl đại biểu Quốc hội Việt Nam râng Đại hội đồng AIPA-42 mbra dơi ƀư pơk sŏng dăng nar 23 - 25/8 tă bah dak Brunei, Kruanh AIPA - 42 ƀư tơm. Ta rơh hop, Kruanh Quốc hội Vương Đình Huệ lah rjăp đă ân jêng nău way rnâng kan tay, n'hao nău dơi tam kan tâm boh dak bah dih bah Quốc hội lah ngoăy tâm ăp rgum tơm mhe nău kan bah Quốc hội. Tâm boh nghị viện ân rgop n'hao nău têh kan, rup gui n'hanh nsing nơm bah neh dak he tâm nkual n'hanh lam ntŭr neh. Kalơ nuih n'hâm nê, Kruanh Quốc hội đă, ăp nhih pah kan dơi kan, lơn lah Ủy ban Đối ngoại n'hanh Văn phòng Quốc hội, ân ntrôl ngăch nău nchrăp n'hanh đăp mpăn săk tam ăp nkô̆ râng bah Mpôl ntơh măt gưl têh Quốc hội Việt Nam ta Đại hội đồng AIPA-42. Lơn lah, tâm rnôk nuh srê Covid-19 tât krit nji kơt aƀaơ, Kruanh Quốc hội lah rjăp, Quốc hội Việt Nam ân nkoch kloh nău mĭn mpeh tâm boh đah ăp nghị viện lăp kan nsum AIPA n'hanh ăp dak ASEAN tâm njrăng, n'gang nuh srê Covid-19./.

Nuĭh rblang: Điểu Thân