VOV4.M’nông: Ôi lơ 4/6, ndơn rnoh prăk kơl an 300 rkeh tă bah cán bộ, công chức, viên chức ndrel nŭih pah kan bah Radio Việt Nam, Kruanh Uỷ ban Trung ương MTTQ Việt Nam Đỗ Văn Chiến rnê prêh nau kan mbơh nkoch nau bah Radio Việt Nam tâm nau kan njrăng, rdâng srê Covid-19, kơl an ƀon lan lam dak gĭ tkloh nau kan dôl geh abh srê ndrel ƀư ân ueh nau bonh đă bah N’gâng kan dak si. Ndŏ rnoh prăk 300 rkeh kơl an bah Uỷ ban Trung ương MTTQ Việt Nam, Groi Tổng Giám đốc Radio Việt Nam Vũ Hải Quang mbơh, ăp cán bộ, công chức, phóng viên, biên tập viên, nghệ sỹ bah Radio Việt Nam kơl an 300 rkeh prăk đah nau ŭch rgop tay n’hâm gay ndrel ma Đảng, Ngih dak, Chính phủ rdâng nau ntưp rêng bah srê tâm ƀon lan. Kruanh Uỷ ban Trung ương MTTQ Việt Nam Đỗ Văn Chiến ton mra mbơh kloh, rjăp, dŏng tâm di nkô̆, ân săk tam, tâm di pháp luật mpeh ăp nau rgop kơl an gay ma rvăt vắc xin njrăng srê Covid-19./.

Nŭih rblang: H’Thi