VOV4.M’nông – Tổng thống Hàn Quốc Moon Jae-in nar nđaơ 8/6 mĭn lah, nău pơng râng rƀŭn nchră gưl prêh rmôt ăp dak công nghiệp hun hao bôk năp lam ntŭr neh (G7) ƀư tâm dŭt pơh aơ mbra dơi an n’hao jâng tâm rnglăp nchră nău bah Hàn Quốc. Ntoh ngơi ta rơh rƀŭn chính phủ, Tổng thống Moon Jae-in mĭn lah, nău G7 jă Hàn Quốc râng rƀŭn nchră gưl prêh bah rmôt aơ tâm ban đah nău hao prêh lam ntŭr neh bah Hàn Quốc mhe dơi hao. Wa Moon Jae-in ton mbra dŏng nău dơi aơ gay nâp nâl ƀư tơm bah Hàn Quốc tâm nău mkra ăp nău duh lam ntŭr neh, pơk hvi tâm rnglăp nchră nău bah dak aơ, lơn lah tă bah nău lah rjăp nău kan jêng “Ntŭk nkra njêng vaccine lam ntŭr neh” mô lah “ntung nthoi” đah ăp dak dôl hun hao n’hanh ăp dak gĭt blău. Nuĭh kruanh Hàn Quốc năl lah, G7 mbra hăn lor an du rwăch tâm rnglăp nchră nău gưl prêh ăp ding.

Nuĭh rblang: Y Sưng Phê Ja