VOV4.M’nông – Rƀŭn nchră Boăt nthoi ASEAN rơh tal 12 đah bôk nău “Ntrôl nkra tay n’hanh dơi nkra tay tă bah boăt nthoi” lĕ ƀư tĭng trong pơk sŏng dăng. Rƀŭn nchră boăt nthoi ASEAN rơh tal 12 wăch rgum rlău 150 nuĭh ntoh măt, geh Đại sứ, Kruanh Phái đoàn ăp dak ASEAN n’hanh ăp dak kan ndrel tâm nchră, nkual ƀư êng n’hanh ăp nuĭh ntoh măt êng. Rƀŭn nchră boăt nthoi ASEAN lah nău ƀư khlay dơi ƀư ăp năm bah năm 2010, kơt du jâng tơm gay ăp ding râng trong nchrăp Lĕ rngôch boăt nthoi ASEAN (MPAC) 2025 tâm nchră, rblang ăp nău kan ndrel dơi an n’hao ƀư MPAC 2025. Rƀŭn nchră Boăt nthoi ASEAN rơh tal 12 lah di an ăp nuĭh ntoh măt tâm nchră trong ntop kơl ăp doanh nghiêp dŭt jêt, jêt n’hanh dah găp (MSMEs) bah ASEAN tâm rnôk srê n’hanh nkra tay jêh srê; nchrăp an Boăt nthoi ASEAN jêh srê n’hanh bah kơi năm 2025; n’hao kan ndrel đah ăp dak mpeh boăt nthoi gay nsĭt tay uĕh lăng nsum.

Nŭih rblang: Y Sưng Phê Ja