VOV4.Mnông – Rƀŭn nchră lam ntŭr neh Jeju mpeh ăp nău rnă njrăng n’hanh đăp mpăn nar nđaơ (24/6) lĕ dơi ntơm ƀư ta gôl dak Jeju bah Hàn Quốc tĭng trong ƀư pơk sŏng dăng. Đah nkô̆ nău “Đăp mpăn nâp nâl, uĕh lăng lĕ rngôch”, rƀŭn wăch rgum rlău 200 nuĭh ntoh măt ta lam ntŭr neh tât râng. Âk chính khách, học giả n’hanh nuĭh way kan ntoh lư lĕ dơi jă ntoh ngơi n’hanh râng ăp rơh tâm nchră, tâm nĕ geh Tổng thống ơm dak Pháp Prancois Hollande, Tổng thư ký ơm Liên hợp quốc Ban Ki-moon n’hanh giáo sư Abhijit. Banerjee mpeh tâm Viện Công nghệ Massachusetts, Hoa Kỳ. Rƀŭn mbra ƀư tâm 3 nar n’hanh rgum tâm nchră mpeh rgâl trôk nar, srê Covid-19 n’hanh ăp trong hăn tât đăp mpăn nâp nâl.

Nŭih rblang: Y Sưng Phê Ja