VOV4.M’nông – Thủ tướng Italia Mario Draghi mhe ntrŭt Rmôt ăp jâng wăng sa hun hao n’hanh mhe hao têh lam ntŭr neh (G20) ƀư “ăp nău dơi” gay mât njrăng nău dơi bah bu ur ta Afghanistan, jêh rnôk Taliban dơi sŏk uănh nđôi neh dak Tây Nam Á aơ. Nău kuăl jă dơi ndơ̆ tâm rƀŭn nchră gưl prêh G20 mpeh jao an nău dơi ta bu ur ƀư ta Italia-neh dak aƀaơ dôl mât ƀư kruanh tâm prêh bah G20. Tĭng thủ tướng Italia Mario Draghi, an đăp mpăn bu ur Afghanistan an dơi mât ăp nău dơi n’hanh dah rŏng bah khân pơng, lơn lah đah nău kan ntĭm nti. Yor nê ăp dak bah G20 geh nău kan mô knŭng đah nuĭh ƀon lan bah nơm ma đah nsum mpôl lam ntŭr neh, an mât njrăng nău dơi bah bu ur ta ăp ntŭk lam ntŭr neh. Aơ lah rƀŭn nchră gưl kruanh n’gâng kan G20 bôk năp rgum tâm nău an nău dơi bu ur.

Nŭih rblang: Y Sưng Phê Ja