VOV4.Mnông – Nar 28/4, Rƀŭn nchră kruanh gưl prêh (SOM) ASEAN-Ấn Độ rơh tal 23 lĕ ƀư tĭng trong pơk sŏng dăng. Aơ lah rƀŭn nchră ăp rơh gưl groi Kruanh tâm rnglăp nchră nău ASEAN n’hanh Ấn Độ, tâm rgâl mpeh âk nkô̆ nău kan ndrel khlay, nkre tâm pă mpeh ăp nău nkual n’hanh lam ntŭr neh ndrel uănh. Ntoh ngơi ngơi ta rƀŭn nchră, Groi n’gâng kan tâm rnglăp nchră nău, Kruanh SOM Ấn Độ, Riva Ganguly Das lah rjăp uănh khlay tâm boh kan ndrel đah ASEAN, kơl ASEAN ƀư tơm ta n’gul tâm nkual n’hanh ndâk njêng nsum mpôl, n’hao tâm rgop, boăt nthoi n’hanh rgum êp tâm ƀah hun hao. Kruanh SOM Ấn Độ lah uĕh ăp dak ASEAN lĕ nkoch nău tâm rnglăp n’hanh tâm pă đah Ấn Độ tâm nău nsrôih rdâng đah nu nău srê Covid-19 dôl hao jêr jŏt; nkre, lah rjăp 2 ding an tâm rgop rjăp rdâng srê.

Nuĭh rblang: Y Sưng Phê Ja