VOV4.M’nông – Ntoh măt tâm rnglăp nchră nău n’hanh Rnă njrăng gưl prêh Liên minh châu Âu Josep Borrell an gĭt, Kruanh nchră nău ăp dak tâm rmôt aơ lĕ ntơm tâm nchră na nê̆ ăp trong rmal wăng sa đah Belaruss jêh nău đă jŭr ndal du bôk ndeh par bah Ai Len. Tâm du nău mbơh bah năp rơh rƀŭn kruanh tâm rnglăp nchră nău mô na nê̆ bah Liên minh châu Âu ƀư ndrel nar ta Lisbon, Bồ Đào Nha, wa Borrell lah rjăp, nău đă ndeh par jŭr ndal n’hanh nhŭp 2 hê năch tâm ndeh par lah mô dơi di. Liên minh châu Âu mbra tâm nchră nău mbơh ƀư ăp trong rmal nchrŏng tât du đêt nuĭh Belarus. Ta năp nĕ, ta rƀŭn nchră gưl prêh Liên minh châu Âu ƀư nar 24/5 mhe rlău, ăp nuĭh kruanh rmôt aơ lĕ tâm ban ŭch an tay ăp trong rmal đah Belarus, tâm nĕ geh ăp nău đă rmal wăng sa.

Nuĭh rblang: Y Sưng Phê Ja