VOV4.M’nông – Rƀŭn nchră pơk sŏng dăng Kruanh n’gâng kan Rmôt kan Hiệp ước Bắc Đại Tây Dương (NATO ƀư 1/6 lĕ tâm nchră nău khlay. Mô knŭng nchrăp an Rƀŭn nchră gưl prêh NATO êp tât, kruanh bah rmôt aơ hôm e rgum uănh lah ntul rlong tâm rgŏ năp, lơn lah tâm boh đah Nga n’hanh Trung Quốc. Tâm rƀŭn nchră, mpeh Mỹ lah rjăp nău khlay bah tâm boh kan ndrel gay “nâp nâl soan dăng bah rmôt n’hanh n’hao dơi rdâng đah ăp nău ntŭl rlong geh trong ƀư nsum” bah Nga n’hanh Trung Quốc. Ăp kruanh NATO an lah rmôt aơ an n’hao kan ndrel đah Australia, Nhật Bản, New Zealand n’hanh Hàn Quốc. Dun tay ăp nău ƀư bah NATO, ăp kruanh dak Nga na nao mĭn lah dak aơ nchrăp kan ndrel tâm ban n’hanh uĕh lăng yơn mbra plơng tay ăp trong hăn mô tâm di, tâm nchră tĭng nuĭh dăng n’hanh nking n’gang tâm nău tâm dak.

Nŭih rblang: Y Sưng Phê Ja