VOV4.M’nông – Kêng măng 4/8, Kruanh N’gâng kan tâm rnglăp nchră nău Việt Nam Bùi Thanh Sơn lĕ râng Rƀŭn nchră pơk sŏng dăng Kruanh n’gâng kan tâm rnglăp nchră nău ASEAN-Ấn Độ. Ta rƀŭn nchră, Kruanh N’gâng kan tâm rnglăp nchră nău Ấn Độ mĭn lah uănh khlay tâm boh kan ndrel đah ASEAN, uănh ASEAN ta nklang mbơh ƀư nău kan kan mpeh bah lơ luh nar bah dak Ấn Độ, kơl ASEAN rgop ƀư ta n’gul tâm nău ƀư ta nkual, ndâk njêng nsum mpôl, n’hao boăt nthoi n’hanh rgum jêt tâm ƀah hun hao. Tâm rgâl mpeh nu nău lam ntŭr neh n’hanh nkual, ASEAN n’hanh Ấn Độ mĭn lah mbra tâm rgop rjăp tâm ăp nău nsrôih mât đăp mpăn, rnă njrăng, đăp mpăn ta nkual, tâm nĕ geh rnă njrăng n’hanh đăp mpăn trong dak lêng ta Biển Đông. Ntoh ngơi ta Rƀŭn nchră, Kruanh n’gâng kan Bùi Thanh Sơn đă Ấn Độ kơl tay pă vaccine ngăch n’hanh đăp mpăn an ăp dak ASEANl ntrŭt đă Ấn Độ, đah nău dăng bah nơm rgop an ăp nău nsrôih ndâk nsơm tay n’hanh hao jêng nkual ASEAN.

Nuĭh rblang: Y Sưng Phê Ja