VOV4.M’nông – Ôi 3/8, Kruanh n’gâng kan tâm rnglăp nchră nău Việt Nam Bùi Thanh Sơn lĕ râng Rƀŭn nchră Kruanh n’gâng kan tâm rnglăp nchră nău ASEAN-Hàn Quốc tĭng trong ƀư pơk sŏng dăng. Ta rƀŭn nchră Kruanh n’gâng kan tâm rnglăp nchră nău Hàn Quốc mĭn lah uănh khlay tâm boh kan ndrel đah ASEAN, lah rjăp ASEAN uănh khlay kơl lor tâm nău kơl mpeh bah dâng mhe n’hao bah Hàn Quốc, kơl nău tơm bah ASEAN tâm trong ƀư tâm nkual n’hanh Nău mĭn êng ASEAN mpeh Ấn Độ Dương-Thái Bình Dương. Ntoh ngơi ta Rƀŭn nchră, Kruanh N’gâng kan tâm rnglăp nchră nău Bùi Thanh Sơn uănh lah prêh nău tâm rgop kơl ngăch n’hanh săk rnglăy đah Covid-19 đah 2 ding năm bah năp kơt nău tơm n’hanh rgop bah Hàn Quốc tâm njrăng n’gang srê, Kruanh n’gâng kan đă Hàn Quốc n’hao tay nău dơi dak si n’hanh đăp mpăn pă vaccine an ăp dak ASEAN; nta nơih tay an ăp doanh nghiệp 2 ding ntuh kơl tăch rgâl ta nkual n’hanh kơt dŏng ăp nău geh công nghệ n’hanh rgâl mhe; nsrôih kơl ăp  nău ƀư ASEAN rgum jêt tâm ƀah hun hao, ntrôl hun hao tâm ban n’hanh nâp nâl ta ăp nkual ASEAN.

Nŭih rblang: Y Sưng Phê Ja