VOV4.M’nông – Ôi 2/7, ƀư rƀŭn nchră pơk sŏng dăng mpeh mât uănh, hun hao rkum công nghiệp, dơi boăt nthoi bah ntŭk ƀoh Hà Nội yor Kruanh N’gâng kan Công thương Nguyễn Hồng Diên ƀư tơm, boăt nthoi đah ăp n’gor, nkual ƀon têh, ƀon lan gay ƀư kloh ăp jêr jŏt, wăk kol tâm nău ƀư ăp rkum công nghiệp năm bah năp, tă bah nĕ dăn đă ăp trong mkra mât uănh rjăp, săk rnglăy ăp rkum công nghiệp tâm năm tât. Yor, tĭng trong nchrŏng tât năm 2025 lam dak geh rlău 1.704 rkum công nghiệp. Yơn lah, tĭng dĭng lĕ rnoh kơp bah N’gâng kan Công thương ăp n’gor, nkual ƀon têh, tât lĕ năm 2020, lam dak geh 968 rkum công nghiệp đah dĭng lĕ rnoh neh 30.912 ha lĕ dơi ndâk ƀư. Tă bah nău kan nkra njêng bah ăp doanh nghiệp tâm rkum công nghiệp lĕ ntrôl ngăch nău rgâl hao wăng sa, yơn saơ kloh âk jêr jŏt, hôm e nkân tâm nău mât uănh an dôh rkaih; Âk ntŭk mâp jêr jŏt, vĭ vĕ tâm nău rgâl ntrong kan rkum công nghiệp yor ngih dak ntuh kơl an doanh nghiệp ƀư tơm ntuh kơl ndâk nkra n’hanh tăch rgâl ntung trong ngih wâl.... dŭt ŭch geh ăp trong mkra n’gluh an gay mât uănh rjăp, săk rnglăy ăp rkum công nghiệp tâm năm tât.

Nŭih rblang: Y Sưng Phê Ja