VOV4.M’nông – Rƀŭn nchră ăp Kruanh n’gâng kan tâm rnglăp nchră nău-Wăng sa APEC rơh tal 32 (AMM 32) mhe ƀư rnôk 8 mông nar 8/11 (tĭng mông Việt Nam) đah tât râng bah 21 dak APEC, Hội đồng mbơh ntĭm tăch rgâl APEC (ABAC), Hiệp hội ăp dak Đông Nam Á (ASEAN), Hội đồng Kan ndrel wăng sa Thái Bình Dương (PECC), Rƀŭn nchră ăp gôl dak Thái Bình Dương (PIF), Rmôt kan tăch rgâl lam ntŭr neh (WTO), n’hanh Ban thư Ký Công ước nsum bah Liên hợp quốc mpeh rgâl trôk nar duh nđik (UNFCCC). Tâm rnôk chôt srê Covid-19 dôl rêng lam hvi tay, khuch hô, lam hvi ta lam ntŭr neh n’hanh ƀư âk nău khuch mô hŏ tă geh an lĕ rngôch ăp jâng wăng sa, năm aơ, Rƀŭn nchră AMMM dơi ƀư tĭng trong trực tuyến, tâm 2 nar 8-9/11/2021. Rƀŭn nchră dơi tâm pă 2 rơh pah kan. Rơh pah kan bôk năp ƀư nar 8/11 rgum tâm nchră mpeh trong ntrôl ngăch hao jêng wăng sa tă bah ăp nău ƀư/mĭn mhe tăch rgâl.

Nuĭh rblang: Y Sưng Phê Ja