VOV4.M’nông – Ôi (15/7), ta Hà Nội, Trung ương Đoàn TNCS Hồ Chí MInh, Trung ương Hội Liên hiệp Druh ndăm Việt Nam n’hanh Công ty Cổ phần Tập đoàn Yeah 1 ƀư rdâk nkra bôk nău kan ntop kơl rnoh khlay ndơ dŏng an druh ndăm phung pah kan n’hanh nuĭh ƀon lan. Tĭng bôk nău kan lĕ ký ton, druh ndăm phung pah kan, nuĭh pah kan dah rŏng, nuĭh ƀon lan geh nău rêh jêr jŏt yor khuch bah chôt srê Covid-19 rnôk rwăt ăp ndơ dŏng tă bah App rwăt năp MEGA 1 mô lah tă bah ăp ntŭk tăch bah bôk nău kan “Tâm pă tâm yô̆, ndrel ty rlet rlău chôt srê” mbra dơi ăp doanh nghiệp râng bôk nău kan ntop kơl rnoh khlay 50% rnoh khlay ndơ. Bôk nău kan ƀư bah aƀaơ tât  lĕ khay 6/2022, ta 63 n’gor, nkual ƀon têh, kơl lor ăp n’gor nkual ƀon têh dôl geh srê jêr jŏt bah chôt srê Covid-19. Nău mbơh ƀư bôk nău rgop ƀư “Nău rƀŏng nsum” nkre nchăng n’gang srê tam, nkre mât, hun hao nkra njêng tăch rgâl n’hanh rdâk hao jâng wăng dŏng.

Nuĭh rblang: Y Sưng Phê Ja