VOV4.M’nông – Nar 30/7, Tổng thống Philippines, Rodrigo Duterte lĕ an rdâk nkra tay du tâm ton ăp rmôt khâl đah Mỹ jêh rlău 1 năm ndruch jăng lơi. Nău ntrŭnh aơ pơk an trong n’hao tâm boh ăp ding Mỹ-Philippines tâm rnôk hao duh jêr ta dak lêng. Nău ntrŭnh aơ dơi ndơ̆ jêh rnôk Tổng thống Duterte wơt Kruanh N’gâng kan mât njrăng bri dak Mỹ Lloyd Austin ta Manila nar 29/7 di rơh khâl Philippines bôk năp bah kruanh N’gâng kan Tổng thống Mỹ Joe Biden. Tĭng Kruanh N’gâng kan mât njrăng bri dak Philipines, nău ntrŭnh aơ mbra nsĭt tay âk nău rgâl yor hiệp ước tahen đah 2 dak mô hŏ geh lôch.

Nuĭh rblang: Y Sưng Phê Ja