VOV4.M’nông: Tâm 2 nar lơ 25/3 ndrel 26/3, rđau kan bah ăp dak kan nsum Liên minh Châu Âu-EU ntơm rƀŭn trực tuyến đah ăp nkô̆: Nau pă vắc xin njrăng rdâng srê Covid-19, nau tâm boh duh jêr đah phương Tây ndrel Nga, Thổ Nhĩ Kỳ ndrel nau tâm boh kan nsum đah Mỹ. Tâm nau njoăl râng rƀŭn njoăl tât ăp rđau kan bah Châu Âu lơ 24/3, Kruanh Hội đồng Châu Âu Charles Michel lah rjăp, nau kơl an lor bah Châu Âu tâm rnôk aơ lah ntrŭt dăng nau ngăch chuh vắc xin njrăng srê Covid-19 ân ƀon lan ndrel rƀŭn nchră rơh aơ mra dŏng âk nar gay ma nchră ăp nau nsôih kơl an. Rnôk aơ, nau pă vắc xin ân ăp dak Châu Âu EU hôm tâm rnoh dêh ngăn rđil nau ŭch. Liên minh Châu Âu dôl duh jêr đah Anh êp nau kan pă vắc xin Astrazeneca./.

Nŭih rblang: H’Thi