VOV4.M’nông: Ôi lơ 19/11, ta Hà Nội, rđau kan N’gâng kan ntĭm nti mâp măt ăp nau nti ntoh lư lah nŭih rnoi mpôl đê̆ geh rnê tâm bôk nau kan “tâm pă kơl nsum ma ăp nai nti” năm 2020. Ta nar mâp măt, ăp nai nti hŏ mbơh mkoch mpeh nau dơi rnôk ntĭm nti, ăp nau jêr tâm nau leo play săm ƀŭt tât đah kon se rnoi mpôl đê̆, ăp nau blau rgâl mhe tâm nau ntĭm nti gay ma kơl an kon se geh nau djăt ăp nau ueh mhe tam nâp tâm rnôk geh srê Covid-19 ndrel ăp nau ŭch mpeh nau kơl an bah Đảng ndrel Ngih dak an ăp nau nti ndrel ăp kon se tâm nkuăl jru, nkuăl ngai, nkuăl nroi mpôl đê̆ mâp jêr. Tâm nar mâp măt, Kruanh n’gâng kan ntĭm nti Ngô Thị Minh mbơh: N’gâng kan ntĭm nti mra rgum ndrle geh nar rƀŭn mbơh ăp ntrong kan, ăp nau kơl an ăp nai ntĭm nti măng nar mât chăm, ntĭm play săm ƀŭt ân kon se nkuăl jru, nkuăl ngai, nkuăl rnoi mpôl đê̆./.

Nŭih rblang: H’Thi