VOV4.M’nông: Lơ 29/6, Thủ tướng Phạm Minh Chính ƀư tơm nar rƀŭn Chính phủ nkô̆ nau ndâk njêng luật khay 6/2021, tĭng nê dŏng du nar gay ma uănh nau ndâk njêng ndrel ƀư tĭng luật gay ndal doh rklaih ăp nau jêr, nau kol mpeh nau kan, nau kơl an ƀon lan ndrel ntŭk kan tăch rgâl ueh lơn. Aơ lah ngoai tâm ăp nau kan tơm bah Chính phủ. Ta rơh rƀŭn ăp ntoh măt tâm nchră luh 8 nkô̆: Bôk nau kan Luật cảnh sát cơ động, bôk nau nchrăp Luật rgâl nkra, ntop tay Phụ lục-Rnoh moh săk ƀư nau kơp bah neh dak bah Luật kơp năp, bôk nau kan Luật rgâl nkra, ntop tay du đê̆ điều bah Luật mât nau blau êng, nau ntrŭnh Luật neh ntu, nau nchrăp nau ntrŭnh rgâl nau ntrŭnh 101 năm 2005 bah Chính phủ mhe nau ndâk, nkra nâp ngih chung cư, doh rklaih nau jêr ân nau rnglăp camera, nchră tât nau ndâk nau kan, ndâk luật 6 khay bôk năm ndrel nau rƀŏng, nau kan ăp khay dŭt năm.

Du nau kan geh uănh njrăng ta rơh rƀŭn lah nau ntrŭnh bah Chính phủ mpeh nau kơl an nŭih pah kan, nŭih dŏng nŭih pah kan ndrel ăp nŭih mâp nau jêr yor srê Covid-19 đah rnoh prăk nklăp 26 rbăn rmen. Mpeh nau aơ, Thủ tướng Phạm Minh Chính đă kơp mĭn uănh gay đăp mpăn geh dŏng bah ăp nŭih, tâm nê ntop tay nŭigh geh kơl an lah nŭih pah kan êng êng./.

Nŭih rblang: H’Thi