VOV4.M’nông: Ntrŭnh nau kan “Mom ndăm nsum ty ndâk njêng ƀon lan mhe” ta Hà Nội, Trung ương Đoàn druh ndăm cộng sản Hồ Chí Minh ƀư nau rgŏ ja ưnau tâm rlong “Bôk nau kan ndâk nau kan blau mhe ân druh ndăm nkuăl ƀon lan năm 2021”. Rơh tâm rlong gay ma bonh, đă, rƀŏng trong ndrel ndâk nuih n’hâm ndâk nau kan, râng nau hun hao văng sa tâm nkuăl ƀon lan bah druh ndăm. Rơh tâm rlong joi ăp nau kan tâm 3 nau kan tơm, geh: Hun hao tuch tăm kơt tĭng ntrong kan mhe bah nau tuch tăm, mât rong, rong tui ka, tăm bri, mât prăp, ê nkra, ăp nau kan kơt tĭng khoa học tâm nau kan tuch tăm, mât njrăng ntŭk ntu ndrel ndăn neh ntu, Mât nau ơm bah rnoi mpôl bah nau kan hun hao nau kan, ntil ndơ ơm geh, dŏng pâl n’aih nsum. Nchrăp nar dăch dŭt bah nau kan geh ƀư tâm khay 11 năm aơ ta Lâm Đồng./.

Nŭih rblang: H’Thi