VOV4.M’nông: Thứ trưởng Bộ Y tế Nguyễn Trường Sơn mhe an nkual ƀon têh Hồ Chí Minh tĭng  ƀư rlong an gŭ êng F0 ta jay bah meng nău an gŭ êng F1. Na nê̆, mpeh nău an gŭ êng F1, đah nuĭh gŭ ta nkual geh ma nău ntưp dŭt âk mô tŏng rnoh an bah Bộ Y tế gay an gŭ êng ta jay (geh nuĭh F0 ta jay gŭ ta nklang tơm nuh srê kơt jay trọ, nkual ƀon lan gŭ ach  o, nkual ký túc xá...) ri rgâl an gŭ êng rgum, uănh năl mham RT-PCR nar tâl 7 rgâl bah hôm ma nar tâl 14 kơt ntơm nơh, lah mô mpơl ntưp mĭn uănh rdeng sĭt an gŭ êng ta ntŭk nơm gŭ. Mpeh nău an gŭ êng, săm nuĭh F0: đah nuĭh mô mpơl ji dôl săm ta nhih dak si, lah uănh năl RT-PCR nar tâl 10 geh mpơl ji mô lah hôm ntưp ji yơn rnoh kaman đêt, mô hôm geh nău dơi ntưp rêng (mô lah dŭt đêt) ri ntrơn sĭt an gŭ êng ta jay lah đăp mpăn tŏng geh, njrăng n'gang nuh srê ntưp rêng. Rlong ƀư an gŭ êng F0 ta jay đah nuĭh mô mpơl ji. Sở Y tế nkual ƀon têh Hồ Chí Minh lah rjăp, n'gâng kan dak si ta ntŭk ân tĭng groi nđôi ngăch dăng n'hâm suan ăp nar đah ăp nuĭh F0 an gŭ êng ta jay; ƀư trong ôp duh ndal dơn geh nău lư nuĭh ji ntoh mpơl nău ji, ndăn n'glăp nuĭh ji lăp săm./.

Nuĭh rblang: Điểu Thân