VOV4.Mnông –  N’gâng kan ntĭm nti an gĭt, kơp tât 11 mông nar 5/5, lĕ geh rlău 631 rbăn kon hŏk dăn râng tâm rlong tốt nghiệp trung học phổ thông, tâm nĕ kon hŏk dăn ƀư bài tâm rlong Khoa học xã hội geh dŭt âk, đah rlău 53%. Tĭng rnoh kơp bah Cục quản lý chất lượng, N’gâng kan ntĭm nti, tâm rnoh rlău 631 rbăn kon hŏk dăn râng tốt nghiệp THPT geh rlău 21 rbăn kon hŏk tâm rlong êng. Nău săch bài tâm rlong rgum geh nău tâm ƀah, tâm nĕ rlău 244 rbăn kon hŏk dăn ƀư bài tâm rlong Khoa học tự nhiên, geh rlău 38%, rlău 336 rbăn kon hŏk dăn ƀư bài tâm rlong Khoa học xã hội, geh rlău 53%. Lĕ geh rlău 504 rbăn kon hŏk dăn uănh săch, geh rlău 79% kon hŏk dăn râng tâm rlong. Tĭng naư ntrŭnh bah N’gâng kan ntĭm nti, lĕ nar 11/5 mbra jêh dăn râng tâm rlong tốt nghiệp THPT n’hanh dăn râng uănh săch đại học đah trong ƀư sŏng dăng. Êng dăn nău ŭch đah trong ƀư pơk sŏng dăng mbra jŏ tât 5 mông nar 16/5. Rơh tâm rlong tốt nghiệp THPT năm 2021 nchrăp mbra ƀư bah nar 6 tât 9/7.

Nuĭh rblang: Y Sưng Phê Ja