VOV4.M’nông: Lơ 16/6 ntơm bah ntŭk kan bah Ngih kan Quốc hội, Rmôt kan ntoh măt Quốc hội Việt Nam yor wa Vũ Hải Hà, Uỷ viên Trung ương Đảng, Uỷ viên Uỷ ban Rnâng kan Quốc hội, Kruanh Uỷ ban nchră nau ƀư Kruanh rmôt kan râng rơh rƀŭn mrôt tâm nchră Đại hội đồng Liên nghị viện rmôt ăp dak Đông Nam Á tal 12 (AIPA Caucus 12) ƀư tĭng nau kan trực tuyến. Rmôt kan ntoh măt Quốc hội Việt Nam ndrel ăp dak kan nsum tâm nchră mbơh nau, tâm nkoch nau tă blau kan đah ăp nŭih bah AIPA, ngăn lah tâm rnôk tâm nkuăl ndrel lam ntur neh dôl mâp nau jêr tâm nau nkân njrăng srê Covid-19 ndrel ndâk njêng, hun hao văng sa, ndâk ăp nau tâm boh kan nsum đah ăp dak kan nsum bah ASEAN, ntoh nau nchrăp, nau mra tâm boh yor nau hun hao văng sa, hun hao ndrih, ƀư ăp nkô̆ nau hun hao nâp nâl jêh bah srê Covid-19, yor nau nâp nâl bah nsum mpôl ASEAN, yor nau geh jêng bah ƀon lan ASEAN. Lôch rƀŭn, ăp ntoh măt hŏ nchră mbơh rơh rƀŭn rmôt nchră nau Đại hội đồng Liên nghị viện rmôt ăp dak Đông Nam Á tal 12 ndrel ntŭk ƀư, nar rƀŭn nchră Đại hội đồng Liên nghị viện rmôt ăp dak Đông Nam Á tal 13 mra geh tâm Thái Lan./.

Nŭih rblang: H’Thi