VOV4.M’nông: Chính phủ I-rắc lơ 22/12 mbơh ăp rmôt tâm lơh bah Liên minh lam ntur neh mra rhuăt luh bah ăp ntŭk gŭ bah dak aơ. Nŭih ntoh ngơi bah N’gâng kan rđau kan rmôt tâm lơh nsum, Thiếu tướng Tahsin al-Khafaji, mbơh, ăp nhoat geh uănh nchră ân nau kan rhuăt luh bah rmôt tahen tâm lơh tă bah ntŭk aơ dôl geh ntrŭnh ƀư. Ăp ding geh tât hŏ dơi geh ƀư nau nchrăp aơ ndrel ăp nŭih tâm nchră hôm e tâm ăp ntŭk tahen trôk A-in al-At-sat mô rlet rlau 9 nŭih. N’gâng kan I-rắc mbơh nau kan tơm bah ăp nŭih kơl nchră nau lah kơl an ân rmôt I-rắc tâm nau tâm lơh njrăng phung nŏng. Bah năp nê, tâm khay 7/2021, Tổng thống Mỹ Joe Biden ton lah mra lôch năm kan tâm lơh bah tahen tâm dŭt năm 2021 ndrel ntơm ân rơh tâm boh tahen mhe tâm đah I-rắc./.

Nŭih rblang: H’Thi