VOV4.M’nông: Tâm kêng măng 22/11, Uỷ ban Rnâng kan Quốc hội rgop nau mpeh nau lôch rơh rƀŭn tal 2 ndrel rgop nau ăp nhoat bôk năp mpeh nau nchrăp ân rơh rƀŭn ndal ndrel rơh rƀŭn tal 3, Quốc hội gưl 15. Ta nar rƀŭn, Kruanh Quốc hội Vương Đình Huệ đă ƀư nar lơn ơm ueh rơh rƀŭn ndal đah 5 nkô̆ nau tơm khlay geh tât “nau kan bah neh dak, nau rêh ƀon lan”. Tĭng Tổng thư ký Quốc hội Bùi Văn Cường: Rơh rƀŭn ndal geh ƀư trực tuyến, nchrăp lĕ mông rƀŭn lah 4 nar n’gul. Ntoh măt Quốc hội yơr ty nchră ƀư nau dŏng ndơ điện tử. Geh 5 nkô̆ nau bah Uỷ ban Rnâng kan Quốc hội đă Chính phủ ơm ƀư gay rgop nau ta nar rƀŭn ndal, nê lah: Uănh nau nchrăp luật rgâl nkra, ntop tay du đê̆ điều bah 10 luật, Bôk nau nchrăp ndâl trong hăn ngăch Bắc-Nam mpeh ba dâng lvang năm 2021-2025, Nchrăp nau ntrŭnh rlong ƀư nau kan, nau hun hao nkuăl ƀon têh Cần Thơ, Bôk nau kan ndâk nau kan, nau ƀư kan mpeh tơm prăk kơl an ân năn bôk nau kan ndâk njêng ndrel hun hao văng sa, rêh jêng./.

Nŭih rblang: H’Thi