VOV4.M’nông: Kơt tĭng nau rgŏ jă prêh mpeh nau kơl an njrăng rdâng srê bah Uỷ ban Trung ương MTTQ Việt Nam kêng măng 27/5, Rnâng kan ƀư nau kan Trung ương ƀư nau rgop kơl an tơm prăk njrăng, rdâng srê Covid-19. Đah nuih n’hâm kan, ndrel nau nsôih ntrŭt jăng lơi srê Covid-19, Kruanh Rnâng kan ƀư nau kan Trung ương Trương Thị Mai ndrel ăp nŭih cán bộ, công chức, viên chức, nŭih pah kan bah Ntŭk kan Trung ương hŏ kơl an đê̆ ngăn du nar prăk khay. Ntoh nau ta nar rƀŭn, Groi rnâng kan ƀư nau kan Trung ương Nguyễn Thanh Bình đă ăp cán bộ, công chức, viên chức, nŭih pah kan bah ntŭk Rnâng kan Trung ương ƀư rjăp nau ntrŭnh mpeh nau njrăng rdâng srê Covid-19, nkre nsôih nau ƀư jêh ăp nau kan chính trị geh jao./.

Nŭih rblang: H’Thi