VOV4.Mnông- Tâm ăp năm dăch aơ, rnoh ndơ su ta châu Âu hao rlău 4 tơ̆ đah bôk năm. Nkô̆ nău an hun hao aơ lah yor mô gĭt na nê̆ mpeh mông nar mât leo trong n’hoch pring mpeh let ba lơ 2, tâm ban kơt rnoh pă ntop bâh tập đoàn Gazprom bâh ăp trong aƀaơ geh ta Ukraina n’hanh Belarus. Tâm rnôk rnoh ntêm nkrem ndơ su  dŭt đê̆ ta châu Âu, nău nchrăp ƀư trong dĭng n’hoch pring hoch bâh ba lơ 2, ơm geh Mỹ n’hanh du đê̆ dak châu âu dun hô mbra geh ntrôl ngăch an ƀư. Ơh nău ôp bâh báo chí Tây Ban Nha, Cao ủy mât kan rnă njrăng n’hanh tâm nchră dak bah dih bâh âk dak châu âu kan ndrel, wa Josep Borrell an lah, EU mbra ŭch geh âk ndơ su bâh Nga tâm khay sial puh aơ. Gay ma dơi geh tay rnoh ndơ su bâh Nga rĭ kanŭng geh 2 trong: mô lah ntrôl dăng nău an dŏng trong n’hoch pring let mpeh ba lơ 2 mô lah Nga mbra ntop rnoh âk ndơ su bâh Ukraina.

Nuĭh rblang: Thị Đoắt