VOV4.M’nông: Dak Mỹ mhe rlet rlau du n’gâng dŭt n’hâm rngot ngăn tâm rnôk tât srê, rnôk ma rnoh nŭih khĭt yor srê Covid-19 tâm năm aơ hŏ rlet rlau rnoh bah năm e. Tĭng rnoh mhe ngăn tă bah Đại học Johns Hopkins, Mỹ hŏ kơp dơn đê̆ ngăn 770 rbăn nŭih yor srê Covid-19 ntơm bah rnôk geh srê. Tâm rnôk rnoh mbơh tă bah Ntŭk kan nkân njrăng srê nuh (CDC) mbơh rnoh nŭih khĭt geh tât srê Covid-19 bah năm e lah 385.343 nŭih. Nau nê tâm ban ma ntơm bôk năm tât rnôk aơ hŏ geh đê̆ ngăn 385. 348 nŭih khĭt yor srê Covid-19, âk lơn rlau 15 nŭih rđil rnoh nŭih lôch năm e, ndrel rnoh nê mra lŏ hao âk lơn tâm ăp nar ndrel pơh tât. Nau nkah rngot bah dak Mỹ geh tâm rnôk 3 ntil vắc xin njrăng srê Covid-19, geh Phai-dơ, Mô-đơ-na ndrel Gion-xơn en Gion-xơn, hŏ geh pă dŏng, ndrel mhe aơ ngăn bah Phai-dơ hŏ geh pă ân dŏng ma kon se ntơm 5-11 năm./.

Nŭih rblang: H’Thi