VOV4.M’nông – Du hê kruanh Văn phòng chính phủ Mỹ nar nđaơ (19/8) an gĭt, rơh khâl bah Groi Tổng thống Mỹ Kamala Harris tât Việt Nam n’hanh Singapore mbra mpơl tâm ton bah n’gâng kan Tổng thống Mỹ Joe Biden mpeh du Ấn Độ Dương-Thái Bình Dương dah rŏng n’hanh pơk hvi, nkre lah rjăp nău ntoh măt bah Mỹ tâm nkual. Rơh khâl an saơ nău khlay bah Đông Nam Á n’hanh nkual Ấn Độ Dương-Thái Bình Dương tâm nău kơl bah Mỹ. Groi Tổng thống Mỹ Kamala Harris nchrăp ntơm hăn khâl Singapore tâm nar 22/8 n’hanh jêh nĕ tât Việt Nam. Wa Kamala Harris lah Groi Tổng thống Mỹ bôk năp tât khâl Việt Nam.

Nŭih rblang: Y Sưng Phê Ja