VOV4.Mnông – Gay ntop kơl kon hŏk n’hanh nuĭh bên kon hŏk tâm rơh tâm rlong tốt nghiệp THPT Năm 2021, rơh mbơh ƀư bôk nău kan ntop soan tâm rơh tâm rlong năm aơ mbra ƀư bah 6/7 tât 9/7 tât. Aơ lah nău mbơh ta nar rƀŭn mbơh yor Trung ương Hội sinh viên Việt Nam, N’gâng kan ntĭm nti, Tập đoang Thiên Lòng ƀư nar 27/5. Bôk nău kan “Ntop soan yan tâm rlong” dơi ƀư ta ăp ntŭk tâm rlong bah rơh tâm rlong tốt nghiệp THPT năm 2021, ta 63 n’gor, nkual ƀon têh. Tĭng nĕ, Mpôl rdâk ƀư bôk nău kan mbra rgum tâm nău ntrôl dăng nkoch trêng, mbơh nkoch ăp trong ôn tay pơk sŏng dăng nsing nơm n’hanh nchih nkoch ăp video ôn tay, tâm rlong Trung học phổ thông ta ăp trong mbơh nkoch nău mhe. Bah meng nĕ, mbơh ƀư ăp ntrong kan ŭch êng pơk sŏng dăng tă bah Cổng thông tin trực tuyến, ƀoăt nthoi đah nuĭh kơl kan n’hanh ăp kon hŏk ŭch kơl; ndâk njêng trong ƀư ntop kơl đah kon hŏk geh nău rêh jêr jŏt ta nkual jru ngai, n’har bri, gôl dak, nkual dŭt jêr jŏt.

Nuĭh rblang: Y Sưng Phê Ja