VOV4.M’nông: Nar aơ (20/7), Rơh hop bôk năp, Quốc hội khoá XV ntơm pơk ta Jay Quốc hội. Tâm rlău 11 nar pah kan, Quốc hội ntêm an 3 nar pah kan nchrăp nuĭh kan gay ƀư sơch, dăp rgum ăp tŏng săk kruanh rđău kan ăp nhih pah kan Ngih dak, tâm nê geh Kruanh dak, Thủ tướng Chính phủ n'hanh Kruanh Quốc hội; mĭn uănh, tâm nchră ăp nău mbơh mpeh wăng sa- rêh jêng kon nuĭh n'hanh n'glêh an du đêt nkô̆ nău khlay êng ƀa ƀă.

Tĭng bôk nău kan, bah ôi lôch Kruanh Quốc hội khoá XIV Vương Đình Huệ lah ntơm  pơk rơh hop, Tổng Bí thư Nguyễn Phú Trọng mbra geh nău rgop  khlay. Lôch nê, Quốc hội hop êng gay mĭn uănh pah kan nchrăp nuĭh kan, n'hơr ti uănh an dŏng Nghị quyết mpeh rnoh âk nuĭh ƀư Groi kruanh Quốc hội, rnoh âk Ủy viên Ủy ban Thường vụ Quốc hội khoá mhe. Kêng măng, ăp đại biểu mbra nklăch phiếu ndâp sơch kruanh Quốc hội. Tĭng nău way, Kruanh Quốc hội mhe ton dơn nău kan du nuih n'hâm đah neh da k, đah ƀon lan, đah Hiến pháp. Lôch nê, Quốc hội mbra ƀư rêng sơch 4 Groi kruanh Quốc hội n'hanh 12 Ủy viên Ủy ban Thường vụ Quốc hội.

Nuĭh rblang: Điểu Thân