VOV4.Mnông- Rơh kahgĭt ƀon lan n’hanh cán bộ, tahen khĭt tâm rơh ntưp nuh srê Covid-19 yor Ủy ban trung ương MTTQ Việt Nam n’hanh ủy ban nhân dân nkuăl ƀon têh Hồ Chí Minh tâm rgop leo ƀư mbra geh ƀư ta rnôk 8 mông măng nar 19/11 ta 2 ntŭk tâm mâp Hà Nội n’hanh nkuăl ƀon têh Hồ Chí Minh. Tâm bơi tât 2 năm ba năp, nuh srê Covid-19 ntoh luh lĕ ƀư khuch khat âk an lam ntur neh, tâm nĕ geh dak he. Bôl ma lĕ Đảng, lĕ tahen, lĕ ƀon lan dŭt nsrôih tâm nău kan njrăng rdâng nuh srê kơt njrăng rlăng, ngluh mbơh săk soan nơm n’hanh nău đăp mpăn săk soan ƀon lan an bôk năp, năp lor, yơn nuh srê dŭt jêr njrăng, ê hŏ tă geh bâh ntơm. Rlău 1 rkeh nuĭh ntưp Covid-19, nuh srê lĕ ƀư khĭt rlău 23 rmưn ƀon lan, cán bộ, tahen. Ta rnôk 8 mông n’gul măng aơ, ta nkuăl ƀon têh Hồ Chí Minh, Hà nội mbra tâm ndrĭh ƀư ăp nău kan mpoh nhang, an kao, mbơk kao si ta dak. ăp ntŭk kan phung chroh goh loih kahgĭt, ăp duk hăn ta ăp dak me ta nkuăl ƀon têh Hồ Chí Minh mbra pet nteh, ta âk ntŭk, nuĭh ƀon lan  nsât ŭnh điện, mpoh jrêng kahgĭt.

Nuĭh rblang: Thị Đoắt