VOV4.Mnông- Nar 15/11, rnâng kan Ủy ban Trung ương Mặt trận Tổ quốc Việt Nam lĕ geh ntrŭnh công văn njoăl an Rnâng kan ủy ban Mặt trận Tổ quốc Việt Nam ăp n’gor, nkuăl ƀon têh n’hanh nuĭh leo kan ăp ntŭk kan phung chroh mpeh nău kahgĭt ăp ƀon lan khĭt yor Covid-19. Công văn nchih na nê̆, lễ kahgĭt ƀon lan khĭt yor Covid-19 geh ƀư gay ma kahgĭt rlău 2 rmưn ƀon lan n’hanh cán bộ, tahen lam dak lĕ khĭt, yor nuh srê Covid-19, mpơl na nê̆ nău rngot dŭt n’hâm, nău tâm pă rngot klâng ăp nău roh , rngot ji bâh rmưn rnăk vâl lĕ roh nuĭh bên tâm rnăk vâl, mbơh trĕ lam nău tâm pêt tâm rŏng, geh mbơh tay an ăp nuĭh nsrôih lơn tâm ăp mpôl kan tât râng njrăng rdâng nuh srê Covid-19.Aơ lah rơh n’hao nău way ơm tâm rnglăp, nsrôih pah kan bâh mpôl rnoi, rlet rlău nău jêr jŏt ntul rlong an tâm di rêh nsum đăp mpăn, mât njrăng nuh srê Covid-19 săk rnglăy, ndâk nsơm nău wăng sa, tăch rgâl, hun hao wăng sa rêh jêng, rdâk njêng n’hanh mât neh dak.

Nuĭh rblang: Thị Đoắt