VOV4.M’nông: Bộ trưởng Y tế Nguyễn Thanh Long mhe mbơh gĭt mpeh du đêt nkô̆ nău geh tât pah kan njrăng, n'gang nuh srê COVID-19, lơn lah ta bar n'gor Bắc Giang, Bắc Ninh; nkre dăn đă ăp gưl, ăp n'gâng kan, lơn lah ăp n'gor ndăn ngăch n'hao rnoh mbơh njrăng lor, mô uănh lhơ, thơ tha, rgum tay lam trong kan chính trị n'hanh nuĭh ƀon lan râng tâm pah kan njrăng, n'gang nuh srê.

Tĭng Bộ trưởng Nguyễn Thanh Long, rơh nuh srê COVID-19 tâl 4 mbra tât krit nji lơn, nklăp mbra ntoch jong rlău ăp rơh nuh srê bah năp lơn, geh ta âk n'gor đah âk tơm ntưp rêng, tơm nuh srê tâm ndrel du rnôk, ndrel nău ntoh bah âk ntil njêng săk mhe đah nău ntưp rêng ngăch lơn, hvi lơn. Bộ trưởng Nguyễn Thanh Long dăn đă, tâm let năp tay ăp gưl, n'gâng kan, lơn lah ăp n'gor ân n'hao tay rnoh mbơh njrăng  lor, mô uănh lhơ, thơ tha, rgum tay lam lĕ trong kan chính trị n'hanh nuĭh ƀon lan râng tâm pah kan njrăng, n'gang nuh srê./.

Nuĭh rblang: Điểu Thân