VOV4.M’nông – Rơh ôp n’hanh ơh nău ôp ta rơh rƀŭn tal 2, Quốc hội khóa 15 mbra ƀư tâm 2 nar n’gul, ntơm bah ôi aơ 10/11. Ăp kruanh N’gâng kan: N’gâng kan dak si wa Nguyễn Thanh Long, Kruanh N’gâng kan Lao động Thương binh n’hanh Xã hội wa Đào Ngọc Dung; Kruanh N’gâng kan Ntĭm nti wa Nguyễn Kim Sơn; Kruanh N’gâng kan Kế hoạch n’hanh Đầu tư wa Nguyễn Chí Dũng mbra tĭng nuĭh ơh nău ôp. Nchrăp ôi nar prăm lơ 12/11 Thủ tướng Chính phủ Phạm Minh Chính ƀư kloh ăp nău geh tât n’hanh ơh nău ôp bah nuĭh ntoh măt Quốc hội. Ta năp rơh ôp, âk nuĭh ntoh măt Quốc hội n’hanh nuĭh ƀon lan kâp, ăp rơh ôp aơ mbra dŭt n’hâm, ndơ̆ âk trong mkra gay tâm di đăp mpăn, ngăch đah Covid-19; rdâk hao, hun hao wăng sa-rêh jêng. Rmôt nău kan njrăng n’gang srê Covid-19 khay bah năp n’hanh trong njrăng n’gang srê, trong ƀư vaccine tâm khay tât dơi ăp nuĭh ntoh măt dŭt uănh tât.

Nŭih blang: Y Sưng Phê Ja