Ôi 17/5, ta Ngih Quốc hội, đah nău ƀư tơm bah Groi Kruanh rnâng kan Quốc hội, Groi Kruanh rnâng kan hội đồng săch Ngih dak, Kruanh Tiểu ban nuĭh kan Trần Thanh Mẫn, Tiểu ban nuĭh kan bah Hội đồng săch Ngih dak ntơm ƀư rơh rƀŭn gay djăt n’hanh an rgop mpeh jêh trong kan bah Tiểu ban nuĭh kan, Hội đồng săch Ngih dak bah nar ndâk njêng tât aƀaơ. Ntoh ngơi ta rơh rƀŭn, Groi Kruanh rnâng kan Quốc hội, Groi kruanh rnâng kan Hội đồng săch ngih dak, Kruanh Tiểu ban nuĭh kan Trần Thanh Mẫn an gĭt, ăp nău kan nchrăp an săch lĕ n’hanh dôl dơi ƀư tĭng di nău đă, trong nchrăp n’gluh an. Nar aơ (18/5), Hội đồng săch Ngih dak dak mbra ƀư Rƀŭn nchră trực tuyến lam dak, rơh rƀŭn gay tâm ban ŭch nkô̆ nău mbơh bah Tiểu ban nuĭh kan gay mbơh Hội đồng săch ngih dak. Groi Kruanh rnâng kan Quốc hội, Groi Kruanh rnâng kan Hội đồng săch ngih dak, Kruanh Tiểu ban nuĭh kan Trần Thanh Mẫn lah rjăp, aơ lah rơh rƀŭn tal 2 bah Tiểu ban nuĭh kan, rơh rƀŭn mbra ƀư rgop nău, tâm nchră tâm ăp nău khlay tâm năm tât.

Nuĭh rblang: Y Sưng Phê Ja