VOV4.M’nông – Njrăng n’gang Covid-19, tâm pă tâm ban vaccine, rdâk nsơm tay wăng sa jêh chôt srê, yơn nĕ lah nău rdâk hao “uĕh nđĭr” n’hanh “nâp nâl”-Nĕ lah ăp nău ma kruanh ăp dak ta lam ntŭr neh dŭt uănh tât n’hanh lah rjăp tâm ăp nău ngơi ta rơh rƀŭn tal 76 bah Đại hội đồng Liên hợp quốc. Ta năp nău jăch ndăn bah rgâl duh nđik trôk nar, rơh rƀŭn Đại hội đồng Liên hợp quốc rơh tal 76 dôl uănh ăp nău ntoh hô n’hanh ŭch ngăn bah lam ntŭr neh, nău ƀư mât njrăng Play neh bah năp mbrơi ir. Leo bôk năp tâm ăp nău nsrôih aơ lah tât Mỹ-đah nău ton bah Tổng thống Joe Biden. Ƀư tơm du rơh rƀŭn gưl prêh pơk sŏng dăng đah trôk nar duh nđik, Tổng thống Joe Biden ton mbra n’hao âk an ntop kơl ăp dak dôl hun hao rdâng đah rgâl trôk nar. Kruanh dak Trung Quốc Tập Cận Bình mĭn lah dak aơ mbra lôch nău kơl ăp nău nchrăp dŏng sah ônh ta dak bah dih. Ăp nău ton na nê̆ n’hanh nău tâm ban ŭch bah ăp dak ndơ̆ an ta rơh rƀŭn Đại hội đồng Liên hợp quốc mpeh rgâl duh nđik trôk nar ƀư ta Glasgơw, Scotland tâm khay 11 tât.

Nŭih rblang: Y Sưng Phê Ja