VOV4.M’nông: Rơh rƀŭn gưl prêh Ai cập, Iraq ndrel Jordan mra geh ta Thủ đô Bát-đa bah Iraq tâm lơ 27/6 tât gay nchă nau nchrăp nau kan văng sa têh đah 3 dak. Rơh rƀŭn gay ƀư ăp nau kan ma geh tâm ban ta rơh rƀŭn gưl prêh tâm khay 8 năm e ta thủ đô Am-ma bah Jordan, tâm nê rgum tâm nchră mpeh nau tâm boh văng sa ndrel ntuh kơl đah 3 dak. Tâm nê, 3 ding tâm nchră mpeh nau kan văng sa kan nsum tĭng nau kan ta Châu Âu. Bôk nau kan geh mpŏng lah leo nsĭt nau geh jêng ân ăp dak tâm nkuăl, tâm nê khlay ngăn lah nau ndâk du trong hoch pring tă bah Ba-sra tât Si-nai bah Ai-cập, bah nkuăl neh Jordan. Đah nau kan aơ, Ai cập ndrel Jordan mra ƀư n’huch tât 16 đola tâm du thùng, tâm rnôk Iraq mra rvăt điện tă bah Ai cập cập ndrel Jordan./.

Nŭih rblang: H’Thi