VOV4.M’nông: Kêng măng 7/6, ta nkuăl ƀon têh Trùng Khánh, Trung Quốc hŏ geh nar rƀŭn Kruanh n’gâng kan nchră nau ASEAN-Trung Quốc di nkah 30 năm nar tâm boh kan nsum (1991-2021). Aơ lah rơh rƀŭn sŏng bôk năp tâm gưl Kruanh n’gâng kan nchra ưnau geh ASEAN ƀư jêh geh bah srê Covid-19 ntoh. Ăp kruanh n’gâng kan nchră nau ASEAN kơp dơn nau tâm boh kan nsum ASEAN-Trung Quốc lah ngoai tâm ăp nau tâm boh kan nsum ueh ngăn ndrel săk tam ngăn bah ASEAN. Trung Quốc tâm ban nau ryơk dak kan nsum tâm boh ndrel geh săk rnglay đah ASEAN, ŭch leo nau tâm boh kan nsum ma ASEAN hao du nhoat mhe, kơl an nau kan tơm khlay bah ASEAN tâm nau kan tâm nkuăl, Mpŏng tât năm kan mhe, ăp Kruanh n’gâng kan nchră nau ASEAN ndrel Trung Quốc mbơh pă âk nau kan rƀŏng tâm nau hun hao khlay ân nau tâm boh 2 ding, tâm nê geh nau kơl an ntrŭt dăng tâm boh nkân njrăng srê Covid-19, ntrŭt dăng nau ndâk njêng./.

Nŭih rblang: H’Thi