VOV4.M’nông: Kruanh n’gâng kan nchră nau ndrel tâm boh dak da dih Libya mbơh, rơh rƀŭn kơl an nau đăp mpăn bah Libya mra geh ƀư ta Thủ đô Tripoli tâm nar puăn, lơ 21/10 tât. Nkô̆ bah rơh rƀŭn gay mbơh nau kơl an nau kan gay ƀư nau tĭng nau ntrŭnh păng, mât an nâp nau tă geh ndrel ăp nau kan ueh gay tâm ban tahen Libya đah du rđau kan tơm. Nkre rơh rƀŭn mra rgum nau kơl an ân Uỷ ban săch kan neh dak gưl prêh gay dơi ntơm ƀư nau săch kan dah rŏng, tâm ban ndrel kloh rvah. Êng nê, nŭih dâk bôk ntŭk kan n’gâng kan nchră nau Libya kŏ mbơh du đê̆ nau kan bah “Nau blau mhe đăp mpăn Libya” ma rơh rƀŭn mra tâm nchră. Nau kan blau mhe aơ rgum tâm 2 ntrong, nê lah rnă njrăng, tahen ndrel nau kan văng sa, gay kơl an trong kan ntrơn rgâl ndrel rklaih rnoi mpôl, kuăl jă ân geh jut jăng lơi nau ƀư rlăng, nŏng êng, nkre leo Libya jêng du ntŭk geh nau ntul rlong mpeh văng sa ueh ngăn./.

Nŭih rblang: H’Thi