VOV4.M’nông: Lơ 31/10, rơh rƀŭn tal 26 ăp ding râng nau tâm ton nsum bah Liên hợp quốc mpeh nau rgâl mhe trôk nar (COP 26) hŏ ntơm geh ƀư ta nkuăl ƀon têh Glát-gâu, tâm Xcốt-len, dak Anh. Tâm bơi tât 2 pơh geh rơh rƀŭn, ntoh măt bah bơi tât 200 dak mra tâm nchră ăp nau rdâng đah nau kan duh bah play neh. Ntoh nau ta nar rƀŭn, Kruanh COP 26, Wa A-lốc Sa-ma lah rjăp, rơh rƀŭn aơ mra lah “nau rêh ueh dăch dŭt ngăn ndrel ueh ngăn” gay ma njrăng rdâng đah nau hao duh 1,5 độ C rđil rnôk ntơm ƀư kan. Tĭng wa Sa-ma, ăp nau tât bah rgâl mhe trôk nar ntoh ngăn tâm lam ntur neh, đah nau tât kơt dak lip, phŭt, ŭnh sa bri ndrel ăp rnoh khuch êng. Păng lah rjăp, play neh dôl rgâl jêng mô ueh ndrel lah nơm ƀư nau kan rnôk aơ ndrel kan nsum ri nơm mra dơi mât nâp play neh bah nơm./.

Nŭih rblang: H’Thi