VOV4.Mnông-Thủ tướng Ấn Độ Narendra Modi nar 6/12 geh rơh tâm mapa đah Tổng thống Nga Vladimir Putin ta Niu Đeli gay ma tâm nchră mpeh nău tâm boh kan bar ding. Rơh rƀŭn nchră gâl têh Ấn Độ-Nga tal 21 geh ƀư lah rơh nkhêp gay ma ăp ding an geh mât ueh nău tâm boh kan rnôk ma geh âk nău rgâl mhe tâm nău kan chính trị ta nkual. Aơ mbra lah rơh tâm mâp sŏng dăng bôk năp đah bar hê nuĭh leo kan Nga- Ấn kơp bâh ntơm khay 11 năm 2019. Ta năp rơh tâm mâp đah bar nuĭh leo kan, Ấn Độ n’hanh Nga lĕ geh ƀư ăp rơh tâm nchră tĭng trong 2+2 gâl kruanh n’gâng kan mât rnă njrăng ngih dak n’hanh nchră nău đah dak bah dih. Ăp ding mbra uănh n’hêl âk ăp nău tâm ton mât rnă njrăng ngih dak, công nghệ, ŭnh nar tâm ban kơt ntuh kơl n’hanh tăch rgâl.

Nuĭh rblang: Thị Đoắt