VOV4.M’nông: Lơ 17/6, ASEAN ƀư rơh rƀŭn nchră nsum ASEAN đah nau ƀư tơm bah Kruanh dak ƀư tơm 2021 Bru-nây. Râng rƀŭn geh ăp n’gâng kan gưl prêh (SOM) tâm, 3 n’gâng tơm bah nsum mpôl ASEAN, Kruanh rmôt kan ntoh măt Rnâng kan bah ăp dak ksn num ASEAN ndrel Ban thư ký ASEAN. Kruanh n’gâng kan nchră nau, Kruanh SOM ASEAN Việt Nam, Nguyễn Quốc Dũng ng leo bôk rmôt kan ntoh măt Việt Nam râng rơh rƀŭn. Rơh rƀŭn tâm ban nau ntrŭt dăng nau nchrăp rvăt vắc xin pă ân ăp dak kan nsum bah nau tâm nchră UNICEF ndrel COVAX, đă ASEAN ndal ntrŭnh nau dŏng rlau 10 rkeh đola Mỹ tă bah tơm prăk ASEAN rdâng ma srê Covid-19 gay ma rbăy vắc xin. Ntoh nau ta rơh rƀŭn, Kruanh n’gâng kan Nguyễn Quốc Dũng ân lah, tâm rnôk aơ, ASEAN ân geh kơl an nau ndâk ân nau kan ntrŭt dăng văng sa, ntrŭt dăng tâm nthoi, ngăn lah ntrŭnh nau kan nsum mpeh nau rgum ASEAN ndrel ơm jêh ntrong hăn ro ASEAN, pơk trong nơih ân nau nchuăn rdeng nơih tâm ASEAN./.

Nŭih rblang: H’Thi