VOV4.M’nông: Ta Hà Nội, N’gâng kan Công an ƀư rƀŭn trực tuyến tât Công an ăp xã tâm nkuăl gay ma uănh, nchră nau tă geh ntrŭnh ƀư nau ndâk njêng Công an xã, nkuăl têh chính quy tâm lam dak, ntrŭnh nau ndâk njêng Công an Phường ntoh lư, ueh mpeh rna ửnăng đăp mpăn. Ƀư nau ntrŭnh mrô 22 lơ 15/3/2018 bah Bộ chính trị mpeh nau lŏ rgâl mhe, dăp rgum ntrong kan Công an gleh, pah kan săk tam, nâp tât rnok aơ, Công an 63/63 n’gor lŏ ƀư ân ueh nau rgum rlau 43 rbăn cán bộ Công an chính quy mât nau kan ƀư Công an xã tâm rlau 7.800 xã, nkuăl têh. Rlet ăp nau jêr bôk năp, rmôt công an xã, nkuăl têh chính quy tâm lam dak hŏ ngăch ntrŭnh nau mât tâm dâng, mât ƀon lan, n’hao nau kan mêt uănh, nkân njrăng ân rjăp nau rnă njrăng, ntrŭnh nau kan chính quy, bah nê njêng “trong n’hâm sial mhe” mpeh nau kan mât rnă njrăng chính quy, rgop nau ndâk rup gui rmôt Công an xã yor dak chuêl săk nơm, yor ƀon lan kơl an, dĭng lĕ yor nau rêh đăp mpăn, ueh lăng bah ƀon lan./.

Nŭih rblang: H’Thi