VOV4.M’nông: Lơ 28/5, wa Lê Hoài Trung, Uỷ viên Rnâng kan rđau kan Trung ương Đảng, Kruanh Rnâng kan tâm nchră Trung ương hŏ ƀư tơm bar rơh rƀŭn trực tuyến mbơh nau tă geh bah Đại hội ntoh măt lam dak tal XIII bah Đảng he ndrel đah Đảng Cộng sản Cuba ndrel Đảng dak Nga thống nhất. Ntoh nau ta 2 rơh rƀŭn aơ, wa Lê Hoài Trung lah rjăp, Việt Nam mro uănh khlay ndrel ŭch ƀư jru nâp lơn tay nau tâm boh kan khlay đah Đảng Cộng sản Việt Nam đah Đảng Cộng sản Cuba ndrel đah Đảng Cộng sản Việt Nam ndrel Đảng dak Nga thống nhất. Rđau kan bah 2 Đảng lah rjăp Đảng Cộng sản Cuba ndrel Đảng dak Nga thống nhất mro uănh khlay nau tâm boh kan nsum đah Đảng Cộng sản Việt Nam, uănh nê lah nau kan chính trị khlay gay ma ntrŭt dăng, ƀư jru nâp tay nau tâm boh kan nsum Việt Nam-Cuba geh Kruanh Hồ Chí Minh, rđau kan Phi-đel Cát-xtơ-rô ndrel wa Raul Castro mbâl n’hâm ndâk njêng kŏ kơt lah nau tâm boh kan nsum ăp ntil Việt Nam-Liên bang Nga./.

Nŭih rblang: H’Thi