VOV4.M’nông: 6 khay bôk năm 2021, Dak Lak geh tât 650 tŏ ntŭng kăl si ndrel in neh bri tih dôih, in bơi tât n’gul rnoh nau tih luật mât njrăng ndrel hun hao bri tâm lam dak. Aơ lah nau geh nkhah, ân saơ nau ntŭng kăl bri ta Dak Lak dôl khuch. Tĭng nau kơp bah ntŭk kan mât njrăng bri Dak Lak, tâm 6 khay bôk năm, lam n’gor geh 590 tŏ ntŭng kăl si in neh bri tih dôih đah rnoh neh bri geh in rlau 207 ha.

Tâm nê, ăp n’gâng kan hŏ mhal 390 tŏ, rgum geh bơi tât 260m3 si ăp ntil, 252 bôk ndeh ih, leo ndŏ prăk soay ngih dak bơi tât 3 rmen. Ngăn lah, geh tât rlau 70% rnoh tŏ bri geh kăl tâm 6 khay rlau aơ tâm Dak Lak lah tâm nkuăl Krông Bông, du ntŭk geh ntŭng kăl si hô ngăn dôl geh n’gâng kan bah n’gor rgum rklaih./.

Nŭih rblang: H’Thi