VOV4.M’nông: Tổng thư ký Quốc hội, Chánh văn phòng Hội đồng săch kan neh dak Bùi Văn Cường lah rjăp nau săch kan ntơh măt Quốc hội gưl XV ndrel ntơh măt HĐND năm kan 2021-2026 hŏ geh nau dơi ueh. Rnoh cử tri hăn săch kan tâm lam dak lah 95,65%, nkuăl geh âk ngăn lah 99,92%, nkuăl geh dêh ngăn lah 84%. Nau aơ ntoh nau tâm rnoh cử tri tâm lam dak, ntơm bah ăp nkuăl, ntơm nkuăl têh ân tât nkuăl ƀon lan gŭ, nkuăl yôk, n’har bri, gôl dak hŏ geh nau ueh, khuh răm hăn săch kan, ƀư nau dơi ndrel nau kan bah nơm. Nau rnơm tâm Đảng, Ngih dak kŏ kơt lah cử tri săch dơi ăp nŭih ntoh măt bah nơm sŏk nau rnơm tâm ntŭk kan prêh ngăn bah ngih dak, prêh ngăn lah Quốc hội kŏ kơt lah HĐND ăp gưl. Du nuih n’hâm rhơn răm, tâm rnglăp, tâm dăch ndrel du nau rnơm tâm nau rđau kan bah Đảng, Ngih dak.

Ƀon lan Tây Nguyên đah nar rgum săch

Ndrel đah lam dak, rlău 4 rkeh nuĭh ƀon lan ta ăp n’gor Tây Nguyên lĕ hăn nklăch phiếu săch Quốc hội khóa 15, HĐND ăp gưl năm kan 2021-2026. Rơh săch lĕ ƀư đah mông nar bah nar rgum. Âk nkual nklăch phiếu lĕ ơm dơi geh 100% nuĭh ƀon lan hăn săch. Đah nău nchrăp uĕh, jêng bôl đah nău geh êng bah âk ntŭk nkual jru ngai, săch ta ăp n’gor Tây Nguyên lĕ ƀư đah mông nar bah nar rgum têh. N’ăp ta ăp nkual nkhah êng Covid-19, ntŭk nchoeng n’gang yor ntoh srê, nuĭh ƀon lan hôm e nsrôih ƀư tĭng nău dơi n’hanh nău kan nuĭh ƀon lan. Săch ta Tây Nguyên ƀư dŭt n’hâm đăp mpăn uĕh. Âk ntŭk ta Tây Nguyên lĕ kơp dơn rnoh nuĭh ƀon lan hăn săch dŭt âk, kơt Lâm Đồng, geh 5/12 nkuăl nkual ƀon têh geh rlău 80% nuĭh ƀon lan hăn săch. Cát Tiên, nkuăl jru ngai ngăn geh rlău 90%. Ta Dak Lak, nkuăl Cư Kuin, geh 100% nuĭh lan hăn săch.

Nŭih rblang: H’Thi