VOV4.Mnông- Rlău 19 rkeh ƀon lan Uzbekistan nar hăn nklăch phiếu ta rơh săch nuĭh ƀư Tổng thống tal 6 ta dak aơ. Rơh nklăch phiếu geh kơp dơn lâh tâm di rnôk geh rnoh ƀon lan hăn săch kan tât rnôk aơ lah rlău 33%. Tĭng ntrong kan điện tử nchih tay, geh bơi tât 6 rkeh 700 rƀăn ƀon lan hăn tât ntŭk nklăch phiếu ta rnôk 11 mông ôi nar naơ, geh tât 33.6% lĕ rnoh nuĭh lĕ geh mbơh dăn. Tĭng nău ntrŭnh bâh pháp luật Uzbekistan, gay ma rơh săch kruanh geh kơp dơn lah tâm di, 33% rnoh ƀon lan lĕ mbơh dăn an geh nklăch phiếu. Ta rơh săch nuĭh kan Tổng thống dăch aơ ngăn, năm 2016, rnoh ƀon lan hăn nklăch phiếu ta ndrel du rơh lah 33,73%. Du rbăn nuĭh kan uănh nđôi bâh lam ntur neh bâh ăp ntŭk kan lam ntur neh geh knơm uănh nđôi rơh săch kruanh.

Nuĭh rblang: Thị Đoắt